Musica Popolare 3-6

Testi   Musica   Popolare     -    Inni   &   Patriottici

ANDEMO AL COMUNAL

Audio non disponibile

Senti Nineta cocola

L'amor xe una gran cosa

El smagna 'l scalda 'l stuziga

in sin che se se sposa

Sposarse Maria Vergine

la xe una bruta cosa

Lassa da parte i scrupoli

E vien con mi a balar

si' lassa da parte i scrupoli

e andemo al Comunal!

E se to mare brontola

No staghe sa badar

dighe che il tempo passa

ma che nol sa tornar

Dighe che tuto un anno

Xe solo un carneval

Lassa da parte i scrupoli

E vien con mi a balar

Si lassa da parte i scrupoli

e andemo al Comunal!

Al Comunal se tran la...

Vien con mi al Comunal!

 

LA MIA PERLA

Audio non disponibile

Mi proprio per sta perla

Ve digo vado mato

la festa per vederla

me tiro su a Tersato

Se sente le campane

Del Domo e de San Vito

in fondo al mar lontane

do barche tira drito...

Xe un quadro un panorama

El monte el ciel el mar

Dixeme chi no l'ama

sta tera e sto Quarnar

Xe un quadro xe un incanto

Veder el mar el pian

E cola tosa intanto

cantemo in Italian

Cantemo quei bei canti

Che i veci n'a insegna'

che avemo in cor costanti

che i fioi ne cantara'

Mi adoro questa perla

Bagnada dal Quarner

la festa per vederla

me tiro al Belveder

e de lassu' la vardo

con ocio inamora'

Quel ciel no xe bugiardo

nissun lo cambiera'

Co la morosa al fianco

Pieni de bon umor

sentadi la' s'un banco

se ciacola d'amor...
 

CASA NOSTRA

Audio non disponibile

Che luna limpida che note ciara

Liseta merita cior la chitara

e insieme meterse dentro un batel

per poi cantarsela tra mar e ciel

Vien qua mia cocola

vien a posarte

vien col tuo Giacomo a ninolarte

no xe pericoli

xe quieto el mar

el fresco andemose cara gustar

Varda sta palida luse argentina

Che va rifleterse su la marina

Le mile lampade de la zita'

le grote ripide

che drio ghe sta'

Varda quel seguito

De monte in monte

finche' va perderse a l'orizonte

sora i piu' picoli come un tutor

stando el magnifico Monte Maior!

Liseta intonemose

E al nostro nido

Do versi ofrimoghe

E a sto bel lido

l'amor de patria

a la canzon

ghe dara' l'anima

l'ispirazion!

Fiume adorabile

perla graziosa

del mar liburnico

regina e sposa

te esprimo il palpito

che m'arde el sen

col dirte in musica

Te vojo ben!
 

VIVA SAN VITO

Audio non disponibile

Viva San Vito!

Echeggino giulivi i nostri canti

Fiume per i suoi Santi

serba alto affetto in cuor

Per Essi amanti e vigili

del nostro gentil nido

splende dal colle al lido

la Perla del Quarner

Sangue dei nostri martiri

caldo su noi discendi

nei petti nostri accendi

di Patria il sacro ardor

Vito e Modesto

trofei di gloria

di nostra storia

vanto e splendor

protetta all'egida

del Vostro nume

la nostra Fiume

s'eternera'...
 

SANGUE FIUMAN

Audio non disponibile

Son fiumana sangue puro

Son matona de cor bon

Ma ai sfarzadi muso duro

So mostrar se go ragion

E no vojo un signoreto

Che per mi no val lo so

Ben per questo ciaro e neto

Mi in fiuman ghe digo aj no!

Son fiumana e no m'importa

s'anca lussi mi no go

No son goba no son storta

Dunque sposo trovaro'

Ma no vojo un signoreto

Che per mi no va lo so

Ben per questo ciaro e neto

Mi in fiuman ghe digo aj no!

Son fiumana e me ne vanto

Carneval me vojo spassar

Divertirme tanto e tanto

E piu' d'un far bazilar

Ma no vojo un signoreto...

Son fiumana e la mia Fiume

Piu' de tuto vojo amar

Mi l'adoro come un nume

Col suo Corso Tore e mar

Ma no vojo un signoreto...

Son fiumana e dunque fina

Scegliaro' come convien

Eser vojo la sposina

D'un che m'abbia voler ben

Ma no vojo un signoreto...

Son fiumana e ja no piu'

Che un par mio vojo trovar

Che da Fiume el sia anca lu'

Che el sia bon de lavorar

Mi no vojo un signoreto

Eco quel che vojo mi

Solo a un tal mi ciaro e neto

Che diro' in fiuman aj si!
 

SORA EL QUARNERO

Audio non disponibile

Che gusto con Nineta

Sbrissar tra zielo e mare

E sora l'acqua cheta

Liberi smorosare

Che gusto la' non visti

Zurarse eterno amore

senza pensieri tristi

senza dolori in core

Eco la luna sluse

Sul nostro bel Quarnero

Mile armonie confuse

Va fino al Gran Caldiero

Nu ziti se basemo

E Bepi no fa casi

se fra el rumor del remo

sente i nostri basi

Vien Nina el sol se sconde

Sirio za sluse in zielo

Vien che la' sora l'onde

tuto me par piu' belo

Vien con mi bela bruna

Sul mar a spasizare

Che al ciaror de la luna

Za se inarzenta el mare

Xe nata la mia Nina

Da la schiuma del mar

E ghe ga da' un ondina

La boca per basar...
 

COR DE PLEBE

Audio non disponibile

Go quatro straze e un cor

Che fa tic - tac in sen

Me piase far l'amor

E balo ben

Vojo qualche moscardin

Me spasso el Carneval

Ciassando con morbin

Al Comunal

Son nata a San Micel

El sangue go fiuman

Me piase le mar el ciel

l'Arco Roman

Xe piu' che natural

Se proprio no i me va

Quei che vol far del mal

A sta zita'!

Con Toni el barcarol

Andar xe bel in mar

Quando tramonta el sol

A smorosar!

E la lontan lontan

Sora el cor so posar

La bionda testa pian

E poi sognar!

Soto la mascara

Rido de cor

Ziveto ciacolo

E giuro amor!
 

DIME RITA

Audio non disponibile

Quando argento zo piove la luna

sora i tremuli fluti del mar,

e che tuta de stele la bruna

chieta note se vede brilar.

Quando soto el soriso del cielo

che l'inverno non riva imbrociar,

se distende un bel candido velo

zo dai monti a la riva del mar.

Quando spiega la nostra bandiera

da la Tore el suo bel Tricolor,

che xe prova de fede sincera

che ne stringe in un pato d'amor.

Dime Rita, no xe una beleza

el Quarnero un amor un incanto,

che te sveia nel seno un'ebreza

che dal cor te fa scioglier un canto?

Cantime Rita, cantime bela,

nela soave, dolce favella

che xe l'orgoglio de ogni Fiuman,

cantime Rita in Italian!
 

SON TABACHINA

Audio non disponibile

Son fiumana tabachina

E me piasi el mio mestier

Ma el lavor de spagnoleti

No xe solo el mio pensier

Mi so ben che non son bruta

E me piasi far l'amor

mi me piasi i mustaceti

che fa bater el mio cor

Son modesta e povereta

E me lasso cortegiar

Dai bei cocoli spuzeti

Che i prometi monti e mar

Mando al diavolo al inferno

no ghe posso perdonar

Chi che brama che che tenta

La mia lingua a bistradar

Son prudente e giudiziosa

e non vojo in tram andar

mi go cara la mia vita

che non posso asicurar

Son fiumana e birichina

e me godo nel scoltar

che l'abuso e la violenza

andara' presto a terminar

Saro' rozza e senza scola

Ma una lingua so parlar

Quela nostra quela sola

che fa ognuno inamorar...
 

INDEFICIENTER

Audio non disponibile

Da tanto tempo la' su la Tore

Ghe stava el stema de la zita'

Ma un bruto giorno no se sa come

via de la Tore el xe svola'

Qualchedun dixi che certi siori

De far un tanto lo ga obliga'

No steghe creder xe tute floce

L'Aquila nostra ritornera'!

Altri poi dixi che l'iera vecio

E presto in tochi sari'a anda'

E che in museo el dormi in paxe

El suo riposo ben merita'

Che su la zima de quela Tore

L'Indeficienter mai piu' sara'!

No steghe creder xe tute floce

L'Aquila nostra ritornera'!

Ve garantisso care putele

Tanta malora poi no sara'

Le nostre siore Fiumane bone

a un novo stema ga za pensa'

Lasse che i dixi e pur che i ciacoli

Che un novo stema no se fara'

No steghe creder xe tute floce

L'Aquila nostra ritornera'!

No piu' de fero ma d'aluminio

cambiadi i tempi gusto cambia'

ogi un governo doman un altro

per questo el mondo non finira'

Lasse che i dixi e pur che i ciacoli

Che veri autonomi piu' non sara'

No steghe creder xe tute floce

L'Aquila nostra ritornera'!
 

TRAM FIUMAN

Audio non disponibile

Nineta scoltime

no aver paura

nel tram sicura

ti pol andar

I antichi scrupoli

lassa da parte

le vecie carte

se pol sbregar

El sol medesimo

col suo bel ragio

ghe da coragio

ghe da morbin

Ogi sto tranvai

Xe nostro amico

E l'odio antico

Deve aver fin

Nel tram autonomo

xe sai piu' gente

e la corente

no ferma piu'

Nineta guardilo

Come che l'cori

Poveri e siori

fila con lu'

El tram eletrico

No l'xe piu' un mostro

Ogi el xe nostro

Tuto fiuman

Ogi el va libero

Senza piu' intopi

Dal Ponte ai Piopi

Col suo dan dan...
 

L'AQUILA

Audio non disponibile

Gavemo l'Aquila

la' su la Tore

che le signore ga regala'

Gloriosa e splendida

con l'ala tesa

pronta a difesa

de la zita'

Coi oci ardenti

mnaestosa altera

se impone fiera

sopra el stranier

Custode vigile

del nostro idioma

la mira Roma

oltre el Quarner!

O grande Aquila

un patrio afeto

palpita in peto

d'ogni Fiuman

E dighe ai popoli

anche lontani

che qua i Fiumani

parla Italian!
 

CHI SEMO NOI

Audio non disponibile

L'Arco le lapidi

de Zitavecia

(zerti no senti - de questa recia)

xe sacre pagine

de storia nostra

che le dimostra

chi semo noi

E la divina musica

del nostro bel dialeto

la dixe ciaro e neto

sta grande verita'

Simili pagine

no ghe xe verso

no se sbagaza

xe tempo perso...

Le sfida i secoli

Per dirghe tondo

A tuto el mondo

Chi semo noi

E l'ciel el nostro limpido

cielo, che par d'Oriente

cossa no dixe niente

per noi per la zita'?

E quando i popoli

Tuti se inchina

a sta superba

stirpe latina

pol la politica

(penseghe fioi)

dirne che noi

no semo noi?

Chi semo? Fin lo mormora

El nostro bel Quarnero

Cascasse el mondo intiero

Nissun ne cambiara'!

 

CIARO E SCURO

Audio non disponibile

Moreta vestite la blusa nova

vien su a Drenova

che xe bon vin

Su l'aria libera respiraremo

E cantaremo con gran morbin

Da quela splendida alta colina

La vista core lontan sul mar

Xe un quadro magico

quando che inclina

El sol al monte tramontar

La luze eletrica viva brilante

in Piaza Dante fa ciaro assai...

su ghe xe credime ferai e tanti

Ma tuti quanti xe dismorzai

E per due anime inamorade

Non val le strade con gran ciaror

moreta fidite col cor sicuro

ghe vol el scuro per far l'amor
 

LA XE CUSSI'

Audio non disponibile

Lasse' che i stupidi

Pianti tabele

Per dir che Fiume

No ne apartien

tuto xe inutile!

Sconder le stele

no se pol miga

Capire' ben!

Che zighi e brontoli

Pur el governo

Che l'ne combata

come ghe par

Magari i fulmini

Del padre eterno

A casa propria

Se pol sfidar!

Fiume xe nostra

credeme fioi

la Piaza Dante

parla per noi

E se per caso no la capi'

Nissun ga colpa:

la xe cussi'...
 

BACOLI

Audio non disponibile

Son Fiuman e me ne vanto

Parlo e canto in italian

Ma son come siora Beta

Lingua s'cieta e cor in man

E ghe rido in muso ai tanti

Sempre in guanti e in ocialin

Che sta Fiume i se spartisse

se capisse a tavolin!

Co li sento zigo - Bacoli!

Son Fiuman e Fiuman resto

Lasse' pur fioi mii che i ciacoli

De cambiarne in quel o in questo

E dixeghe a quei che critica

Go nel cor sto mar sto ciel

no xe barba de politica

Che me fazzi cambiar pel!

Za save' che zerti mati

vol croati anche i ferai

E che altri sto Paese

Fa ungarese...sui giornai

Ma lasse' che i fazzi gheto

finche' in peto bati un cor

I stara' disendo: Foia...

Co' la voia e col brusor!
 

LA MARGHERITA

Audio non disponibile

Gigeta guardilo sto bel fioreto

che go racolto proprio per ti

da brava spuntilo svelta sul peto

Sto fior xe 'l simbolo sacro del "Si'"

El nome magnifico de Margherita

Sta in fondo l'anima d'ogni Fiuman

xe un nome simbolo de luce e vita

dove la gente parla italian!

Gigeta puntila svelta sul peto

sta margherita sto caro fior

per pegno tegnilo nel nostro afeto

del nostro tenero sincero amor

Sto fior a l'anima te parla tante

Beleze tenere piene de amor

sto fior l'idioma sacro de Dante

Te parla a l'anima te parla al cor...
 

DIGHELO TORE ANTICA

Audio non disponibile

Xe ancora zerta gente

Che ne vol comandar

no i sa che xe sta' Roma

la prima in sto Quarnar

No i senti che la lingua

Che i parla xe un oror

la nostra invece canta

soavemente al cor

E i crede che noialtri

I ne distruggera'

No i sa che un tempo Roma

Tuti ga conquista'

No sa che semo gente

Nata qua in riva al mar

Non tra le grote e i monti

Ma gente del Quarnar!

E che i ne lassi in paxe

In riva al nostro mar

che resti la' tra i monti

chi che xe montanar!

E ghe dixemo in muso

A chi no vol saver

che Fiume xe Italiana

dal mar al Belveder!

Dighelo Tore antica

San Vito, Arco Roman

dighelo a quei che cica

che l'cor ne xe Italian!
 

DIFENDELA

Audio non disponibile

Semo fioi de questa tera

nati a l'ombra de San Vito

questa lingua con dirito

se la femo rispetar

E se poi questa bandiera

a qualcun ghe xe molesta

che i se levi pur de testa

de volerla profanar!

Se gavemo n'do contrasti

Sempre quei pero' restemo

Tra fradei no ghe bademo

A ste picole quistion

Ma se inveze zerti impiastri

Qua caladi cola bora

tenta ciorne la parola

ghe le demo per da bon!

Queste case e sti giardini

sto bel ziel la Piaza Dante

Ste contrade tute quante

le xe nostre fin al mar

rassegneve moscardini

che Italiani moriremo

vecio simbolo gavemo

sto glorioso Arco Roman!

Difendela difendela

Questa lingua come el pan

Perche' Fiume la xe bela

finche' tuto xe Italian!
 

EL TRICOLOR

Audio non disponibile

Semo un fascio de Italiani

Degni fioi de questa tera

dove sbate la bandiera

che ne stava sempre in cor!

La bandiera che i Fiumani

ga piantado s'in San Vito

con la forza del dirito

con speranza fede e amor!

Sangue nostro ga bagnado

Queste strade e sti confini

che D'Annunzio e i Legionari

a la Patria ga salva'!

El foresto calpestado

Ga fin tropo questa tera

ma l'xe andado e sta bandiera

piu' nissun la calara'!

Sbati sfida vento e piova

benedeto Tricolor

porta a Fiume vita nova

porta sempre novo ardor!
 

OH FIUME!

Audio non disponibile

Oh Fiume tu sei la piu' bella

Oh Fiume tu sei la piu' forte

porteremo i cannoni alle porte

per difendere la liberta'!

Saliremo sul Monte Maggiore

sentiremo la banda suonare

se D'Annunzio ci da' il comando

battaglion per battaglion!

Com'e' bello passeggiar

Lungo il mar lungo il mar

Oh che fa'

Venezia bella Fiume Italiana

Roma e il Po' che bagna l'alta Italia

se vuoi saper son nato nel Carnaro

Sono Fiuman sono Italian!
 

INNO AL CROCIFISSO DI SAN VITO

Audio non disponibile

Alla Croce s'innalzi esultante

l'inno santo di gloria e d'amore

che nell'ora del nostro dolore

ha salvata la nostra citta'

Proteggi tua Fiume fedele

Crocifisso per noi buon Gesu'

O Gesu' qui concordi a Te intorno

Il bel voto compatti ci stringe

Che a una fede vivace sospinge

Fiume nostra si amata a Te
 

I TORNARA' QUEI TEMPI...

Audio non disponibile

Gia' San Vito e San Modesto

anche sto ano i xe tornai

ma no semo a Piaza Dante

ne a Cosala inzinocai

In esilio i ne acompagna

Fra le lagrime e il dolor

ma una fede e una certeza

i fa nascere nel cor!

Da una banda maledeta

Semo stadi colpidi in pien

ma el morbin fiuman no crepa

e no more de velen

Noi preghemo i nostri Santi

che ne salvi dal teror

e col nome de' briganti

no sporchemo el labro el cor!

Ritornera' quei tempi

Beati beati

za i veci se dismissia

e i muli diventa mati

se tuti per l'Italia

gireremo disfadi

al grido de bataglia

saremo i primi la'!
 

INNO A FIUME

Audio non disponibile

Un pugno di prodi dal Vate guidati

sottrasse agli Asburgo la sacra contrada

e Fiume redenta nel sangue dei figli

poteva alla Madre di nuovo tornar

Il popolo esulta il sogno s'avvera

garrisce di nuovo la nostra bandiera

Irrompe la gioia ma solo per poco

che l'ala grifagna gli artigli gia' stende

piu' ingorda di prima rapace s'avventa

la gente latina divora tutt'or

Sfuggito alla strage tu piangi o fratello

invochi il riscatto dell'alma tua terra

si come in quell'ora che al grido d'Italia

gia' Trieste poi Fiume tue figlie tornar

Non piega la fede speranza non doma

non manca il valore negl'itali cuori!

Patrizio fiumano rasciuga quel pianto

non posson gli slavi rapirti la culla

e' suolo d'Italia concesso da Dio

e il dono divino agli empi non va!

Rinsalda la fede che serri nel cuore

Se Fiume e' Italia Italia sara'!
 

AMARISSIMO MAR

Audio non disponibile

"Amarissimo mar!"

e' la voce del cuore

"amarissimo mar"...

questo e' il canto d'amor

Romantici lidi baciati dal sole e dal mare

volgenti lo sguardo alla sponda che attende che spera

silenti ascoltate la mistica dolce preghiera

che lenta e lontana si perde nell'eco del mar

"Amarissimo mar" e' la voce del cuore

"amarissimo mar" e' l'eterna canzon

e' una fiamma che brucia di fraterno dolore

una lacrima scesa nel profondo del cuor

E' la sacra preghiera che la brezza diffonde

mentre mormoran l'onde il segreto dolore

Mille croci che guardano nella sponda... di la'

nel silenzio ripetono "amarissimo mar"!

Dall'italiche sponde volan verso il Carnaro

il sorriso piu' caro il piu' sacro dolor

"Amarissimo mare" e' la voce del cuore

e' la fiamma d'amore che mai spenta sara'!
 

VICINA AL MIO COR

Audio non disponibile

No ga piu' la Tore l'Aquila

Che le done ne ga regala'

xe rimasta solo l'anima

de i Fiumani sparsi un po' de qua e de la'!...

Ti xe assai lontana Fiume mia

Ma vicina al mio cor

prego la Madona d'Abazia

che te aiuti nel dolor

L'azuro del cielo

Te par che el sia smari'?...

L'amaro Carnaro no 'l dorme note e di'

Dal mandracio de Volosca

Svelta spunta una barcheta

Da la vela bianca neta

par de speranza una finestra in meso al mar...